ශ්‍රී ලංකාවේ නම තවමත් MCC ලැයිස්තුවේ!
මෙම සතියේ මිලේනියම් අභියෝගතා සංස්ථාවේ (එම්.සී.සී.) රැස්වීම සඳහා ඊට පටහැනිව වාර්තා තිබියදීත්, ශ්‍රී ලංකාව න්‍යාය පත්‍රයේ සඳහන්ව තිබෙන බව The Morning වෙබ් අඩවිය වාර්තා කරනවා.
MCC මණ්ඩලයේ ඉදිරි රැස්වීම සඳහා න්‍යාය පත්‍රයේ ශ්‍රී ලංකාව සඳහන්ව තිබෙන බවත්, මෙම රැස්වීම මේ මස 15 වන දින වොෂිංටන් DC හි පැවැත්වෙන බවත් එක්සත් ජනපද තානාපති කාර්යාලයේ ප්‍රකාශිකා නැන්සි වැන්හෝර්න් පැවසීය
කෙසේ වෙතත්, රැස්වීමේ ප්‍රතිඵල ගැන විමසූ විට එක්සත් ජනපද තානාපති කාර්යාලයට මණ්ඩල තීරණ ගැන අනුමාන කළ නොහැකි බව ඇය පැවසුවාය.
මීට පෙර, තහවුරු නොකළ වාර්තා සඳහන් කළේ, MCC විසින් ශ්‍රී ලංකාව MCC ප්‍රදාන ලැයිස්තුවෙන් ඉවත් කර ඇති බවයි.
මෙය සනාථ කරගැනීම සඳහා මුදල් අමාත්‍යාංශයේ ලේකම් එස්.ආර්. ආටිගල මහතාගෙන් විමසූවිට , “මා සිතන පරිදි, නැත.” යනුවෙන් ඔහු පිළිතුරු ලබා දී ඇත.
2019 අප්‍රේල් මාසයේදී ආර්ථික වර්ධනය තුළින් දරිද්‍රතාවය අවම කිරීම අරමුණු කර ගනිමින් ශ්‍රී ලංකා රජය සමඟ පස් අවුරුදු ඩොලර් මිලියන 480ක ගිවිසුමක් එම්.සී.සී. අධ්‍යක්ෂ මණ්ඩලය විසින් අනුමත කරන ලදී.
කෙසේ වෙතත්, ජනාධිපති ගෝඨාභය රාජපක්ෂගේ නායකත්වයෙන් යුත් නව රජය විසින් 2019 දෙසැම්බර් මාසයේදී යෝජිත MCC ගිවිසුම 2019 දෙසැම්බර් මාසයේදී අත්හිටුවන ලදි.
මේ අතර, MCC සමාලෝචනය සඳහා අග්‍රාමාත්‍ය මහින්ද රාජපක්ෂ මහතා සිව් දෙනෙකුගෙන් යුත් කමිටුවක් පත් කළ අතර කමිටුව සිය සමාලෝචන වාර්තාව මේ වසරේ ජුනි මාසයේදී අග්‍රාමාත්‍යවරයාට සහ ජනාධිපතිවරයාට භාර දුන්නේය.
ඉන් අනතුරුව සමාලෝචන වාර්තාව පසුව කැබිනට් මණ්ඩලයට ඉදිරිපත් කරන ලදී.
